ਬਾਰਸੀਲੋਨਾ – ਬਾਰਸੀਲੋਨਾ ਨੇ ਲੈੱਗਨੇਸ ਨੂੰ ਸਪੈਨਿਸ਼ ਫੁੱਟਬਾਲ ਲੀਗ ਦੇ ਫੈਸਲਾਕੁੰਨ ਮੁਕਾਬਲੇ ਵਿੱਚ 5-0 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ| ਲੈਗਨਸ ਤੇ ਮਿਲੀ ਇਸ ਜਿੱਤ ਦੇ ਨਾਲ ਲਿਓਨਿਲ ਮੇਸੀ ਨੇ ਬਾਰਸੀਲੋਨਾ ਲਈ ਖੇਡਦੇ ਹੋਏ 500 ਮੈਚਾਂ ਵਿੱਚ ਜਿੱਤ ਹਾਸਲ ਕੀਤੀ| ਅਜਿਹਾ ਕਰਨ ਵਾਲੇ ਮੇਸੀ ਪਹਿਲੇ ਸਪੈਨਿਸ਼ ਫੁੱਟਬਾਲਰ ਹਨ| ਮੇਸੀ ਦੇ ਬਾਅਦ ਬਾਰਸੀਲੋਨਾ ਦੇ ਸਾਬਕਾ ਖਿਡਾਰੀ ਜਾਵੀ ਹੇਰਨਾਂਦੇਜ ਨੇ 476 ਮੈਚ ਅਤੇ ਐਂਡਰਸ ਐਨੀਸੀਏਟਾ ਨੇ 459 ਮੁਕਾਬਲੇ ਜਿੱਤੇ ਹਨ| ਮੇਸੀ ਨੇ ਬਾਰਸੀਲੋਨਾ ਵੱਲੋਂ ਖੇਡਦੇ ਹੋਏ 16 ਅਕਤੂਬਰ 2004 ਨੂੰ ਪਹਿਲੀ ਜਿੱਤ ਦਰਜ ਕੀਤੀ ਸੀ| ਉਸ ਸਮੇਂ ਟੀਮ ਨੇ ਸਪੇਨ ਦੇ ਹੀ ਫੁੱਟਬਾਲ ਕਲੱਬ ਇਸਪਾਨਯੋਲ ਨੂੰ ਹਰਾਇਆ ਸੀ| ਅਜੇ ਤਕ ਉਨ੍ਹਾਂ 86 ਵੱਖ-ਵੱਖ ਕਲੱਬਾਂ ਦੇ ਖਿਲਾਫ 500 ਜਿੱਤ ਦਰਜ ਕੀਤੀਆਂ ਹਨ| ਬਾਰਸੀਲੋਨਾ ਨੇ ਸਭ ਤੋਂ ਜ਼ਿਆਦਾ ਵਾਰ ਸੇਵਿਲਾ ਦੇ ਖਿਲਾਫ 29 ਮੁਕਾਬਲੇ ਜਿੱਤੇ ਹਨ|