ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਟਵੀਟ ਕੀਤਾ, ‘‘ਪੂਰਾ ਵਿਸ਼ਵ ਲੁਕਵੇਂ ਦੁਸ਼ਮਣ ਨਾਲ ਜੰਗ ਲੜ ਰਿਹਾ ਹੈ। ਅਸੀਂ ਜਿੱਤਾਂਗੇ!’’ ਬਾਅਦ ਵਿਚ ਵਾਈਟ ਹਾਊਟ ਵਿੱਚ ਮੀਡੀਆ ਨਾਲ ਗੱਲਬਾਤ ਦੌਰਾਨ ਟਰੰਪ ਨੇ ਮੁੜ ਕੋਵਿਡ-19 ਨਾਲ ਲੜਾਈ ਨੂੰ ਜੰਗ ਦੱਸਦਿਆਂ ਇਸ ਦੇ ਹਵਾਬਾਜ਼ੀ ਸਨਅਤ ’ਤੇ ਪੈ ਰਹੇ ਵਿੱਤੀ ਅਸਰ ਦਾ ਜ਼ਿਕਰ ਕੀਤਾ। ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਮੁਲਕ ਵਿੱਚ ਕਰੋਨਾਵਾਇਰਸ ਦੇ ਟਾਕਰੇ ਲਈ ਡਿਫੈਂਸ ਪ੍ਰੋਡਕਸ਼ਨ ਐਕਟ ਨੂੰ ਅਮਲ ਵਿੱਚ ਲਿਆਏਗੀ। ਐਕਟ ਦੇ ਅਮਲ ਵਿੱਚ ਆਉਣ ਨਾਲ ਘਰੇਲੂ ਪੱਧਰ ’ਤੇ ਅਹਿਮ ਮੈਡੀਕਲ ਸਾਜ਼ੋ-ਸਾਮਾਨ ਜਿਵੇਂ ਮਾਸਕ ਤੇ ਗਲਵਜ਼ ਦਾ ਉਤਪਾਦਨ ਕੀਤਾ ਜਾ ਸਕੇਗਾ।