ਲਖਨਊ – ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਅਧਿਕਾਰੀਆਂ ਨੂੰ ਕਿਹਾ ਹੈ ਕਿ ਉਹ ਹਿੰਦੂ ਆਗੂ ਕਮਲੇਸ਼ ਤਿਵਾੜੀ ਹੱਤਿਆ ਕਾਂਡ ’ਚ ਫਾਸਟ-ਟਰੈਕ ਅਦਾਲਤੀ ਸੁਣਵਾਈ ਦੀ ਮੰਗ ਕਰਨ। ਗੁਜਰਾਤ ਦੀ ਏਟੀਐੱਸ ਟੀਮ ਨੇ ਮੰਗਲਵਾਰ ਸ਼ਾਮ ਅਸ਼ਫਾਕ ਸ਼ੇਖ਼ (34) ਤੇ ਮੋਇਨੁਦੀਨ ਪਠਾਣ (27) ਨੂੰ ਤਿਵਾੜੀ ਦੇ ਹੱਤਿਆ ਦੇ ਦੋਸ਼ ਵਿਚ ਗ੍ਰਿਫ਼ਤਾਰ ਕੀਤਾ ਹੈ। ਲੰਘੇ ਹਫ਼ਤੇ ਮਾਰੇ ਗਏ ਹਿੰਦੂ ਸੰਗਠਨ ਦੇ ਆਗੂ ਕਮਲੇਸ਼ ਤਿਵਾੜੀ ਦੀ ਪੋਸਟਮਾਰਟਮ ਰਿਪੋਰਟ ਮੁਤਾਬਕ ਕਮਲੇਸ਼ ਦੇ ਸਰੀਰ ’ਤੇ ਗੋਲੀ ਲੱਗਣ ਸਣੇ ਸੱਟਾਂ ਦੇ 15 ਨਿਸ਼ਾਨ ਸਨ। ਪੋਸਟਮਾਰਟਮ ਰਿਪੋਰਟ ਮੁਤਾਬਕ ਹਮਲਾਵਰਾਂ ਨੇ ਪਹਿਲਾਂ ਕਮਲੇਸ਼ ਤਿਵਾੜੀ (45) ਦੇ ਗੋਲੀ ਮਾਰੀ ਪਰ ਦੂਜੀ ਗੋਲੀ ਚਲਾਉਣ ਲੱਗਿਆਂ ਇਹ ਬੰਦੂਕ ਵਿਚ ਹੀ ਫਸ ਗਈ। ਫੇਰ ਹਮਲਾਵਰਾਂ ਨੇ ਉਸ ’ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਵਾਰ ਕੀਤੇ। ਪੁਲੀਸ ਨੇ ਹਥਿਆਰ ਬਰਾਮਦ ਕਰ ਲਏ ਹਨ।