ਟੋਕੀਓ – ਜਾਪਾਨ ਦੇ ਚਿਬਾ ਸੂਬੇ ਵਿੱਚ ਅੱਜ 5.9 ਤੀਬਰਤਾ ਵਾਲੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਹਨ| ਜਾਪਾਨ ਮੌਸਮ ਵਿਗਿਆਨ ਮੁਤਾਬਕ, ਸਥਾਨਕ ਸਮੇਂ ਮੁਤਾਬਕ ਸਵੇਰੇ 4:24 ਵਜੇ ਚਿਬਾ ਸੂਬੇ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ| ਰੀਐਕਟਰ ਪੈਮਾਨੇ ਤੇ ਭੂਚਾਲ ਦੀ ਤੀਬਰਤਾ 5.9 ਦਰਜ ਕੀਤੀ ਗਈ| ਭੂਚਾਲ ਦਾ ਕੇਂਦਰ 35.8 ਡਿਗਰੀ ਉੱਤਰ ਵਿੱਚ ਵਿਥਕਾਰ ਅਤੇ 141.2 ਡਿਗਰੀ ਪੂਰਬੀ ਲੰਬਕਾਰ 30 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਸਥਿਤ ਸੀ ਪਰ ਅਜੇ ਸੁਨਾਮੀ ਦੀ ਕੋਈ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ ਹੈ| ਜਿਕਰਯੋਗ ਹੈ ਕਿ ਭੂਚਾਲ ਦੇ ਆਉਣ ਤੋਂ ਇੱਕ ਦਿਨ ਪਹਿਲਾਂ ਹੀ ਜਾਪਾਨ ਦੇ ਨਵੇਂ ਸਮਰਾਟ ਨਾਰੂਹਿਤੋ ਨੇ ਦੇਸ਼ਵਾਸੀਆਂ ਨੂੰ ਨਵੇਂ ਸਾਲ ਦੀਆਂ ਵਧਾਈਆਂ ਦਿੱਤੀਆਂ| ਉਥੇ ਹੀ ਉਨ੍ਹਾਂ ਨੇ ਵਧਾਈ ਦੇਣ ਦੇ ਨਾਲ ਹੀ ਉਮੀਦ ਜਤਾਈ ਕਿ ਇਸ ਸਾਲ ਦੇਸ਼ ਵਿੱਚ ਕੋਈ ਕੁਦਰਤੀ ਹਾਦਸਾ ਨਾ ਹੋਵੇ| ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਕਈ ਲੋਕਾਂ ਦੇ ਬਾਰੇ ਚਿੰਤਤ ਹਨ ਜੋ ਪਿਛਲੇ ਸਾਲ ਆਏ ਤੇਜ਼ ਮੀਂਹ ਕਾਰਨ ਅਜੇ ਵੀ ਮੁਸ਼ਕਿਲ ਜ਼ਿੰਦਗੀ ਬਤੀਤ ਕਰ ਰਹੇ ਹਨ|