ਮੱਧ ਪ੍ਰਦੇਸ਼ ਤੋਂ ਇਕ ਦੁਖ ਭਰੀ ਖਬਰ ਸਾਹਮਣੇ ਆਈ, ਇਥੇ ਸਾਗਰ ਜ਼ਿਲੇ ਵਿੱਚ ਇਕ ਟ੍ਰੇਨੀ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ, ਦੱਸਿਆ ਜਾ ਰਿਹਾ ਹੈ ਕਿ ਇਹ ਜਹਾਜ਼ ਇਕ ਨਿਜੀ ਹਵਾਬਾਜੀ ਅਕੈਡਮੀ ਦਾ ਸੀ, ਏਅਰ ਸਟ੍ਰਿਪ ਤੇ ਉਤਰਦੇ ਸਮੇਂ ਇਹ ਹਾਦਸਾ ਵਾਪਰਿਆ, ਜਦੋਂ ਜਹਾਜ਼ ਨੇੜਲੇ ਖੇਤਾਂ ਵਿੱਚ ਜਾ ਡਿੱਗਿਆ| ਜਿਸ ਕਾਰਨ ਉਸ ਵਿੱਚ ਸਵਾਰ 2 ਵਿਅਕਤੀਆਂ ਦੀ ਮੌਤ ਹੋ ਗਈ|ਸਾਗਰ ਜ਼ਿਲੇ ਦੇ ਜ਼ਿਲਾ ਪੁਲੀਸ ਇੰਚਾਰਜ ਅਮਿਤ ਸਾਂਘੀ ਨੇ ਦੱਸਿਆ ਕਿ ਵਿੱਚਾਇਮਸ ਅਕੈਡਮੀ’ ਦਾ ਜਹਾਜ਼ ਜਦੋਂ ਧਾਨਾ ਹਵਾਈ ਪੱਟੀ ਤੇ ਉਤਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਤਾਂ ਉਸੇ ਸਮੇਂ ਇਹ ਨਜ਼ਦੀਕ ਦੇ ਖੇਤ ਵਿੱਚ ਹਾਦਸਾਗ੍ਰਸਤ ਹੋ ਗਿਆ|ਉਹਨਾਂ ਨੇ ਕਿਹਾ, ‘ਇਸ ਹਾਦਸੇਵਿੱਚ ਟ੍ਰੇਨਰ ਅਸ਼ੋਕ ਮਕਵਾਨਾ (58) ਅਤੇ ਟ੍ਰੇਨੀ ਪਿਊਸ਼ ਸਿੰਘ (28) ਦੀ ਮੌਤ ਹੋ ਗਈ| ਇਹ ਹਾਦਸਾ ਕਰੀਬ 10 ਵਜੇ ਵਾਪਰਿਆ| ਚਾਇਮਸ ਅਕੈਡਮੀ ਦੇ ਸਥਾਨਕ ਪ੍ਰਸ਼ਾਸਕ ਰਾਹੁਲ ਸ਼ਰਮਾ ਨੇ ਇਸ ਹਾਦਸੇ ਦੀ ਪੁਸ਼ਟੀ ਕੀਤੀ| ਮੌਕੇ ਤੇ ਫਾਇਰ ਬ੍ਰਿਗੇਡ ਸਣੇ ਬਚਾਅ ਦੀਆਂ ਗੱਡੀਆਂ ਪਹੁੰਚੀਆਂ| ਫਿਲਹਾਲ ਹਾਦੇਸ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ, ਜਾਂਚ ਕੀਤੀ ਜਾ ਰਹੀ ਹੈ|