ਵਾਸ਼ਿੰਗਟਨ – ਅਮਰੀਕੀ ਸੰਸਦ ਦੇ ਉੱਚ ਸਦਨ ਸੈਨੇਟ ਵਿਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਮਹਾਦੋਸ਼ ਦੇ ਸਾਰੇ ਦੋਸ਼ਾਂ ਤੋਂ ਬਰੀ ਹੋ ਗਏ| ਉਨ੍ਹਾਂ ਤੇ ਸੱਤਾ ਦੀ ਦੁਰਵਰਤੋਂ ਕਰਨ ਅਤੇ ਕਾਂਗਰਸ (ਅਮਰੀਕੀ ਸੰਸਦ) ਦੇ ਕੰਮ ਵਿੱਚ ਰੁਕਾਵਟ ਪਾਉਣ ਦਾ ਦੋਸ਼ ਸੀ| ਸੈਨੇਟ ਵਿੱਚ ਰੀਪਬਲਿਕਨਸ (ਟਰੰਪ ਦੀ ਪਾਰਟੀ) ਦਾ ਬਹੁਮਤ ਹੈ| ਇਸ ਕਾਰਨ ਸੱਤਾ ਦੀ ਦੁਰਵਰਤੋਂ ਦੇ ਦੋਸ਼ ਤੇ ਟਰੰਪ ਨੂੰ 52-48 ਅਤੇ ਕਾਂਗਰਸ ਦੇ ਕੰਮ ਵਿੱਚ ਰੁਕਾਵਟ ਪਾਉਣ ਦੇ ਦੋਸ਼ ਵਿੱਚ 53-47 ਵੋਟਾਂ ਮਿਲੀਆਂ| ਮਹਾਦੋਸ਼ ਦੇ ਸੰਕਟ ਵਿੱਚੋਂ ਨਿਕਲਣ ਵਾਲੇ ਟਰੰਪ ਅਮਰੀਕੀ ਇਤਿਹਾਸ ਦੇ ਤੀਜੇ ਰਾਸ਼ਟਰਪਤੀ ਹਨ| ਉਟਾਹ ਤੋਂ ਸੈਨੇਟਰ ਮਿਟ ਰੋਮਨੀ ਇਕੱਲੇ ਰੀਪਬਲਿਕਨ ਰਹੇ, ਜਿਨ੍ਹਾਂ ਨੇ ਟਰੰਪ ਖਿਲਾਫ ਨੇ ਸੱਤਾ ਦੀ ਦੁਰਵਰਤੋਂ ਦੇ ਦੋਸ਼ ਤੇ ਵੋਟ ਕੀਤੀ| ਹਾਲਾਂਕਿ ਸੰਸਦ ਦੇ ਕੰਮ ਵਿੱਚ ਰੋਕ ਪਹੁੰਚਾਉਣ ਦੇ ਦੋਸ਼ ਨੂੰ ਉਨ੍ਹਾਂ ਨੇ ਵੀ ਖਾਰਜ ਕੀਤਾ| ਸੱਤਾ ਦੀ ਦੁਰਵਰਤੋਂ ਦੇ ਦੋਸ਼ ਵਿੱਚ ਅਮਰੀਕੀ ਰਾਸ਼ਟਰਪਤੀ ਟਰੰਪ ਖਿਲਾਫ ਹੇਠਲੇ ਸਦਨ ‘ਹਾਊਸ ਆਫ ਰੀਪ੍ਰੈਜ਼ੈਂਟੇਟਿਵ’ ਵਿੱਚ 18 ਦਸੰਬਰ ਨੂੰ ਮਹਾਦੋਸ਼ ਪ੍ਰਸਤਾਵ ਪਾਸ ਹੋਇਆ ਸੀ| ਵਿਰੋਧੀ ਧਿਰ ਡੈਮੋਕ੍ਰੇਟਸ ਦੇ ਬਹੁਮਤ ਵਾਲੇ ‘ਹਾਊਸ ਆਫ ਰੀਪ੍ਰੈਜ਼ੈਂਟੇਟਿਵ’ ਵਿੱਚ ਮਹਾਦੋਸ਼ ਦੇ ਪੱਖ ਵਿੱਚ 230 ਅਤੇ ਵਿਰੋਧ ਵਿੱਚ 197 ਵੋਟਾਂ ਪਈਆਂ| ਇਸ ਸਭ ਦਾ ਟਰੰਪ ਨੂੰ ਚੋਣਾਂ ਵਿੱਚ ਫਾਇਦਾ ਹੋ ਸਕਦਾ ਹੈ| ਅਮਰੀਕਾ ਦੇ 243 ਸਾਲਾਂ ਦੇ ਇਤਿਹਾਸ ਵਿੱਚ ਇਹ ਤੀਜਾ ਮੌਕਾ ਸੀ ਜਦ ਕਿਸੇ ਰਾਸ਼ਟਰਪਤੀ ਤੇ ਮਹਾਦੋਸ਼ ਦੀ ਕਾਰਵਾਈ ਹੋਈ| 19ਵੀਂ ਸਦੀ ਵਿੱਚ ਐਂਡਰੀਊ ਜਾਨਸਨ, 20ਵੀਂ ਸਦੀ ਵਿੱਚ ਬਿੱਲ ਕਲਿੰਟਨ ਤੇ ਮਹਾਦੋਸ਼ ਲੱਗਾ| 21ਵੀਂ ਸਦੀ ਟਰੰਪ ਤੇ ਮਹਾਦੋਸ਼ ਦੀ ਕਾਰਵਾਈ ਹੋਈ| ਇਸ ਤੋਂ ਪਹਿਲਾਂ ਦੋਵੇਂ ਰਾਸ਼ਟਰਪਤੀਆਂ ਤੇ ਮਹਾਦੋਸ਼ ਚੱਲਿਆ, ਉਹ ਉਨ੍ਹਾਂ ਦੇ ਦੂਜੇ ਕਾਰਜਕਾਲ ਵਿੱਚ ਚੱਲਿਆ, ਜਦਕਿ ਟਰੰਪ ਤੇ ਉਨ੍ਹਾਂ ਪਹਿਲੇ ਕਾਰਜਕਾਲ ਦੌਰਾਨ ਮਹਾਦੋਸ਼ ਲੱਗਾ|