ਕਪਤਾਨੀ ਦੇ ਕਾਰਜਕਾਲ ਬਾਰੇ ਨਹੀਂ ਸੋਚਦਾ: ਰੋਹਿਤ

ਨਵੀਂ ਦਿੱਲੀ – ਰੋਹਿਤ ਸ਼ਰਮਾ ਨੇ ਇੱਥੇ ਇੱਕ ਪ੍ਰੋਗਰਾਮ ਦੌਰਾਨ ਕਿਹਾ, ‘ਇਹ ਕਪਤਾਨੀ ਨਾਲ ਸਬੰਧਤ ਫ਼ੈਸਲੇ ਸਾਡੇ ਹੱਥ ’ਚ ਨਹੀਂ ਹਨ। ਭਾਵੇਂ ਤੁਸੀਂ ਇੱਕ ਮੈਚ ’ਚ ਕਪਤਾਨ ਹੋਵੋ ਜਾਂ ਫਿਰ ਸੌ ਮੈਚਾਂ ’ਚ, ਇਹ ਮਾਣ ਵਾਲੀ ਗੱਲ ਹੈ।’ ਉਨ੍ਹਾਂ ਕਿਹਾ, ‘ਜਦੋਂ ਅਸੀਂ ਵੱਡੇ ਹੋ ਰਹੇ ਸੀ ਤਾਂ ਦੇਸ਼ ਲਈ ਖੇਡਣ ਦੀ ਗੱਲ ਸਭ ਤੋਂ ਅਹਿਮ ਸੀ। ਮੈਂ ਟੀਮ ਦੀ ਕਪਤਾਨੀ ਕੀਤੀ ਅਤੇ ਇਸ ਤਜਰਬਾ ਚੰਗਾ ਰਿਹਾ ਹੈ। ਮੈਂ ਇਸ ਬਾਰੇ ਕਦੀ ਨਹੀਂ ਸੋਚਦਾ ਕਿ ਮੈਨੂੰ ਕਿੰਨੇ ਸਮੇਂ ਲਈ ਕਪਤਾਨ ਬਣਾਇਆ ਜਾਣਾ ਚਾਹੀਦਾ ਹੈ। ਜਦੋਂ ਵੀ ਮੈਨੂੰ ਟੀਮ ਦੀ ਕਪਤਾਨੀ ਕਰਨ ਦਾ ਮੌਕਾ ਮਿਲੇਗਾ, ਮੈਂ ਇਸ ਦਾ ਲੁਤਫ਼ ਲਵਾਂਗਾ ਅਤੇ ਸਰਵੋਤਮ ਕਾਰਗੁਜ਼ਾਰੀ ਦੀ ਕੋਸ਼ਿਸ਼ ਕਰਾਂਗਾ।