ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਲੈਅ ਵਿੱਚ ਚੱਲ ਰਹੇ ਦੋ ਖਿਡਾਰੀਆਂ ਦੀ ਤੁਲਨਾ ਕਰਨ ਦੇ ਵਿਚਾਰ ਤੋਂ ਬਚਣਾ ਚਾਹੁੰਦੇ ਹਨ ਜਿਵੇਂ ਕਿ ਸ੍ਰੀਲੰਕਾ ਖ਼ਿਲਾਫ਼ ਤੀਜੇ ਟੀ-20 ਮੈਚ ਵਿੱਚ ਸ਼ਿਖਰ ਧਵਨ ਦੀ ਅਰਧ ਸੈਂਕੜਾ ਪਾਰੀ ਮਗਰੋਂ ਪ੍ਰਸ਼ੰਸਕਾਂ ਵਿੱਚ ਟੀਮ ਦੇ ਸਲਾਮੀ ਬੱਲੇਬਾਜ਼ਾਂ ਨੂੰ ਲੈ ਕੇ ਚੱਲ ਰਿਹਾ ਹੈ। ਧਵਨ ਇਸ ਮੁਕਾਬਲੇ ਤੋਂ ਪਹਿਲਾਂ ਕਾਫ਼ੀ ਦਬਾਅ ਵਿੱਚ ਸੀ। ਰੋਹਿਤ ਸ਼ਰਮਾ ਨੂੰ ਵਿਸ਼ਵਾਸ ਦਿੱਤੇ ਜਾਣ ਕਾਰਨ ਟੀਮ ਵਿੱਚ ਉਸ ਨੂੰ ਮੌਕਾ ਮਿਲਿਆ। ਕੋਹਲੀ ਨੇ ਕਿਹਾ, ‘‘ਤਿੰਨ ਸਲਾਮੀ ਬੱਲੇਬਾਜ਼ ਕਾਫ਼ੀ ਮਜ਼ਬੂਤ ਹਨ ਅਤੇ ਟੀਮ ਵਿੱਚ ਅਜਿਹੇ ਖਿਡਾਰੀਆਂ ਦਾ ਹੋਣਾ ਸ਼ਾਨਦਾਰ ਹੈ। ਇਸ ਨਾਲ ਤੁਹਾਨੂੰ ਬਦਲ ਮਿਲਦਾ ਹੈ। ਮੈਨੂੰ ਲਗਦਾ ਹੈ ਕਿ ਲੋਕਾਂ ਨੂੰ ਖਿਡਾਰੀਆਂ ਦੀ ਇੱਕ-ਦੂਜੇ ਨਾਲ ਤੁਲਨਾ ਕਰਨ ਤੋਂ ਬਚਣਾ ਚਾਹੀਦਾ ਹੈ।