ਭਾਰਤ ’ਤੇ ਦਬਾਅ ਬਣਾਉਣ ਦੇ ਸਮਰੱਥ ਨਿਊਜ਼ੀਲੈਂਡ: ਟੇਲਰ

ਆਸਟਰੇਲੀਆ ਹੱਥੋਂ ਹਾਰ ਨੂੰ ਨਿਊਜ਼ੀਲੈਂਡ ਅਜੇ ਭੁੱਲਿਆ ਨਹੀਂ ਪਰ ਸੀਨੀਅਰ ਬੱਲੇਬਾਜ਼ ਰੋਸ ਟੇਲਰ ਨੂੰ ਉਮੀਦ ਹੈ ਕਿ ਆਪਣੀ ਧਰਤੀ ’ਤੇ ਉਸ ਦੀ ਟੀਮ ਅਗਲੀ ਲੜੀ ਵਿੱਚ ਭਾਰਤ ’ਤੇ ਦਬਾਅ ਬਣਾਉਣ ’ਚ ਸਫਲ ਰਹੇਗੀ। ਨਿਊਜ਼ੀਲੈਂਡ ਹਾਲ ਹੀ ਵਿੱਚ ਆਸਟਰੇਲੀਆ ਤੋਂ 0-3 ਨਾਲ ਹਾਰ ਗਿਆ ਸੀ, ਜਦੋਂਕਿ ਭਾਰਤ ਨੇ ਆਸਟਰੇਲੀਆ ਨੂੰ ਇੱਕ ਰੋਜ਼ਾ ਲੜੀ 2-1 ਨਾਲ ਹਰਾਇਆ ਹੈ। ਟੇਲਰ ਨੇ ਇੱਥੇ ਅਭਿਆਸ ਸੈਸ਼ਨ ਮਗਰੋਂ ਸਥਾਨਕ ਪੱਤਰਕਾਰਾਂ ਨੂੰ ਕਿਹਾ, ‘‘ਸਾਨੂੰ (ਆਸਟਰੇਲੀਆ ਨੇ) ਪੂਰੀ ਲੜੀ ਦੌਰਾਨ ਹਰ ਵਿਭਾਗ ਵਿੱਚ ਮਾਤ ਦਿੱਤੀ ਹੈ, ਪਰ ਹੁਣ ਅਸੀਂ ਘਰੇਲੂ ਧਰਤੀ ’ਤੇ ਖੇਡਾਂਗੇ ਅਤੇ ਭਾਰਤ ਪੂਰੀ ਤਰ੍ਹਾਂ ਵੱਖਰਾ ਵਿਰੋਧੀ ਹੋਵੇਗਾ।’’ ਉਸ ਨੇ ਕਿਹਾ, ‘‘ਉਹ ਦੁਨੀਆਂ ਦੀ ਅੱਵਲ ਨੰਬਰ ਟੀਮ ਹੈ ਪਰ ਹਾਲਾਤ ਸਾਡੇ ਅਨੁਕੂਲ ਹੋਣਗੇ। ਇਸ ਲਈ ਪਹਿਲਾਂ ਸੀਮਤ ਓਵਰਾਂ ਦਾ ਗੇੜ ਨਿਕਲਣ ਦਿਓ ਅਤੇ ਇਸ ਮਗਰੋਂ ਉਸ (ਟੈਸਟ) ਬਾਰੇ ਗੱਲ ਕਰਾਂਗੇ।’