ਪ੍ਰਦੂਸ਼ਣ ਦੇ ਮੁੱਦੇ ਤੇ ਗੰਭੀਰਤਾ ਨਾਲ ਸੋਚਣ ਦੀ ਲੋੜ : ਪ੍ਰਿਯੰਕਾ ਗਾਂਧੀ

ਨਵੀਂ ਦਿੱਲੀ – ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਦਿੱਲੀ ਅਤੇ ਦੇਸ਼ ਦੇ ਕਈ ਦੂਜੇ ਹਿੱਸਿਆਂ ਵਿੱਚ ਧੁੰਦ ਦੀ ਸਥਿਤੀ ਤੇ ਚਿੰਤਾ ਜ਼ਾਹਿਰ ਕਰਦੇ ਹੋਏ ਕਿਹਾ ਕਿ ਸਾਫ਼ ਹਵਾ ਸਾਰੇ ਲੋਕਾਂ ਦਾ ਅਧਿਕਾਰ ਹੈ ਅਤੇ ਪ੍ਰਦੂਸ਼ਣ ਵਿਰੁੱਧ ਮਿਲ ਕੇ ਕੋਸ਼ਿਸ਼ ਕਰਨੀ ਹੋਵੇਗੀ| ਉਨ੍ਹਾਂ ਨੇ ਟਵੀਟ ਕਿਹਾ,”ਅੱਜ ਪ੍ਰਦੂਸ਼ਣ ਦੇ ਮੁੱਦੇ ਤੇ ਗੰਭੀਰਤਾ ਨਾਲ ਸੋਚਣ ਦੀ ਲੋੜ ਕਿਉਂ ਹੈ?ਦਿੱਲੀ,ਨੋਇਡਾ, ਗਾਜ਼ੀਆਬਾਦ, ਕਾਨਪੁਰ, ਬਨਾਰਸ, ਲਖਨਊ ਸਮੇਤ ਕਈ ਸ਼ਹਿਰਾਂ ਦੀ ਹਵਾ ਜ਼ਹਿਰੀਲੀ ਬਣੀ ਹੋਈ ਹੈ| ਇਸੇ ਹਵਾ ਵਿੱਚ ਸਾਡੇ ਬੱਚੇ ਸਕੂਲ ਆਉਂਦੇ-ਜਾਂਦੇ ਹਨ| ਇਸੇ ਹਵਾ ਵਿੱਚ ਮਜ਼ਦੂਰ ਅਤੇ ਆਮ ਜਨਤਾ ਕੰਮ ਕਰਨ ਲਈ ਨਿਕਲਦੇ ਹਨ|” ਪ੍ਰਿਯੰਕਾ ਨੇ ਕਿਹਾ,’1952 ਵਿੱਚ ਲੰਡਨ ਵਿੱਚ ਭਿਆਨਕ ਧੁੰਦ ਨੇ 12 ਹਜ਼ਾਰ ਲੋਕਾਂ ਦੀ ਜਾਨ ਲਈ ਸੀ| ਸ਼ਹਿਰ ਜਾਮ ਹੋ ਗਿਆ ਸੀ, ਲੱਖਾਂ ਲੋਕ ਬੀਮਾਰ ਪੈ ਗਏ ਸਨ| ਇੰਨੀ ਵੱਡੀ ਤ੍ਰਾਸਦੀ ਤੋਂ ਬਾਅਦ ਉਥੇ ਸਾਫ਼ ਹਵਾ ਲਈ ਕਾਨੂੰਨ ਪਾਸ ਹੋਇਆ| ‘ ਉਨ੍ਹਾਂ ਕਿਹਾ,”ਅਸੀਂ ਜਿਸ ਤਰ੍ਹਾਂ ਆਪਣੀ ਜ਼ਿੰਦਗੀ ਨੂੰ ਚੰਗਾ ਬਣਾਉਣ ਲਈ ਕਈ ਕੰਮ ਕਰਦੇ ਹਾਂ,ਜੀਵਨ ਬੀਮਾ ਲੈਂਦੇ ਹਾਂ,ਕਸਰਤ ਕਰਦੇ ਹਾਂ, ਠੀਕ ਉਸੇ ਤਰ੍ਹਾਂ ਹੀ ਸਾਨੂੰ ਇਕ ਕੋਸ਼ਿਸ਼ ਪ੍ਰਦੂਸ਼ਣ ਦੇ ਵਿਰੁੱਧ ਵੀ ਕਰਨੀ ਹੋਵੇਗੀ| ਸਾਫ਼ ਹਵਾ ਸਾਡਾ ਹੱਕ ਹੈ ਅਤੇ ਸਾਡੀ ਜ਼ਿੰਮੇਵਾਰੀ ਵੀ ਹੈ|”