ਦੱਖਣੀ ਅਫਰੀਕਾ ਦੇ ਕਪਤਾਨ ਫਾਫ ਡੁਪਲੈਸਿਸ ਨੇ ਆਪਣੇ ਬੱਲੇਬਾਜ਼ਾਂ ਨੂੰ ਭਾਰਤ ਤੋਂ ਸਿੱਖ ਕੇ ਤੀਜੇ ਤੇ ਆਖਰੀ ਮੈਚ ’ਚ ਮੇਜ਼ਬਾਨ ਟੀਮ ਵਾਂਗ ਲੰਮੀਆਂ ਪਾਰੀਆਂ ਖੇਡਣ ਲਈ ਕਿਹਾ ਹੈ। ਡੁਪਲੈਸਿਸ ਨੇ ਪੱਤਰਕਾਰਾਂ ਨੂੰ ਕਿਹਾ, ‘ਹੁਣ ਅਸੀਂ ਜੋ ਟੈਸਟ ਲੜੀ ਖੇਡ ਰਹੇ ਹਾਂ ਉਹ ਟੈਸਟ ਚੈਂਪੀਅਨਸ਼ਿਪ ਲਈ ਹੈ ਅਤੇ ਇਸ ਲਈ ਹਰ ਮੈਚ ਦੇ ਅੰਕ ਦਾਅ ’ਤੇ ਲੱਗੇ ਹੋਏ ਹਨ। ਇਸ ਲਈ ਮੇਰੇ ਹਿਸਾਬ ਨਾਲ ਚੁਣੌਤੀ ਮਾਨਸਿਕ ਤੌਰ ’ਤੇ ਵੱਧ ਹੈ।’ ਉਨ੍ਹਾਂ ਕਿਹਾ, ‘ਸਾਡੇ ਸਾਰਿਆਂ ਲਈ ਇਹ ਮਹੱਤਵਪੂਰਨ ਹੈ ਕਿ ਅਸੀਂ ਚੰਗੀ ਸ਼ੁਰੂਆਤ ਨੂੰ ਵੱਡੇ ਸਕੋਰ ’ਚ ਬਦਲੀਏ।’