ਚੇਨਈ – ਮਦਰਾਸ ਹਾਈ ਕੋਰਟ ਨੇ ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਕਤਲਕਾਂਡ ਦੀ ਦੋਸ਼ੀ ਨਲਿਨੀ ਸ਼੍ਰੀਹਰਨ ਨੂੰ ਦਿੱਤੀ ਗਈ ਪੈਰੋਲ ਦੀ ਮਿਆਦ ਨੂੰ ਵਧਾਉਣ ਤੋਂ ਨਾਂਹ ਕਰ ਦਿੱਤੀ ਹੈ| ਨਲਿਨੀ ਨੇ ਪੈਰੋਲ ਨੂੰ 15 ਅਕਤੂਬਰ ਤੱਕ ਵਧਾਏ ਜਾਣ ਦੀ ਅਪੀਲ ਕਰਦੇ ਹੋਏ ਅਰਜ਼ੀ ਦਿੱਤੀ ਸੀ| ਜ਼ਿਕਰਯੋਗ ਹੈ ਕਿ ਨਲਿਨੀ ਪੈਰੋਲ ਤੇ ਇਕ ਮਹੀਨੇ ਲਈ ਬਾਹਰ ਆਈ ਹੈ| ਉਸ ਨੇ ਬੇਟੀ ਦੇ ਵਿਆਹ ਲਈ ਪੈਰੋਲ ਦੀ ਪਟੀਸ਼ਨ ਦਿੱਤੀ ਸੀ, ਜਿਸ ਨੂੰ 5 ਜੁਲਾਈ ਨੂੰ ਮਦਰਾਸ ਹਾਈ ਕੋਰਟ ਨੇ ਸਵੀਕਾਰ ਕਰ ਲਿਆ| ਕੋਰਟ ਨੇ ਇਹ ਸ਼ਰਤ ਲਗਾਈ ਹੈ ਕਿ ਇਸ਼ ਦੌਰਾਨ ਉਹ ਵੇਲੋਰ ਵਿੱਚ ਹੀ ਰਹੇਗੀ ਅਤੇ ਮੀਡੀਆ ਤੇ ਕਿਸੇ ਨੇਤਾ ਨਾਲ ਗੱਲ ਨਹੀਂ ਕਰੇਗੀ| ਨਲਿਨੀ ਦੀ ਬੇਟੀ ਲੰਡਨ ਵਿੱਚ ਰਹਿੰਦੀ ਹੈ| ਪੈਰੋਲ ਲਈ ਨਲਿਨੀ ਨੇ ਕਿਹਾ ਸੀ ਕਿ ਹਰ ਦੋਸ਼ੀ 2 ਸਾਲ ਦੀ ਜੇਲ ਦੀ ਸਜ਼ਾ ਤੋਂ ਬਾਅਦ ਇਕ ਮਹੀਨੇ ਦੀ ਸਾਧਾਰਨ ਛੁੱਟੀ ਦਾ ਹੱਕਦਾਰ ਹੁੰਦਾ ਹੈ ਪਰ ਉਸ ਨੇ ਪਿਛਲੇ 27 ਸਾਲਾਂ ਵਿੱਚ ਇਕ ਵਾਰ ਵੀ ਛੁੱਟੀ ਨਹੀਂ ਲਈ ਹੈ| ਕਾਫੀ ਲੰਬੇ ਸਮੇਂ ਤੋਂ ਜੇਲ ਵਿੱਚ ਕੈਦ ਨਲਿਨੀ ਰਾਜੀਵ ਗਾਂਧੀ ਕਤਲਕਾਂਡ ਵਿੱਚ ਉਮਰ ਕੈਦ ਦੀ ਸਜ਼ਾ ਭੁਗਤ ਰਹੀ ਹੈ| ਨਲਿਨੀ ਨੇ 6 ਮਹੀਨੇ ਦੀ ਪੈਰੋਲ ਨੂੰ ਖਾਰਜ ਵੀ ਕਰ ਚੁਕਿਆ ਹੈ| ਨਲਿਨੀ ਨੇ ਤਾਮਿਲਨਾਡੂ ਸਰਕਾਰ ਦੇ 2018 ਦੇ ਫੈਸਲੇ ਦੇ ਆਧਾਰ ਤੇ ਸਾਰੇ ਦੋਸ਼ੀਆਂ ਨੂੰ ਰਿਹਾਅ ਕਰਨ ਦੀ ਮੰਗ ਕੀਤੀ ਸੀ| ਉੱਥੇ ਹੀ ਹਾਈ ਕੋਰਟ ਨੇ ਨਲਿਨੀ ਦੀ ਪਟੀਸ਼ਨ ਇਹ ਕਹਿੰਦੇ ਹੋਏ ਖਾਰਜ ਕਰ ਦਿੱਤੀ ਕਿ ਉਹ ਰਾਜਪਾਲ ਨੂੰ ਕਾਰਵਾਈ ਕਰਨ ਦਾ ਨਿਰਦੇਸ਼ ਨਹੀਂ ਦੇ ਸਕਦਾ|