ਲਖਨਊ – ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਵਲੋਂ ਗੰਗਾ ਨਦੀ ਦੀ ਸਾਫ-ਸਫਾਈ ਲਈ ਗੰਗਾ ਯਾਤਰਾ ਕੱਢੀ ਜਾ ਰਹੀ ਹੈ| ਇਹ ਯਾਤਰਾ 27 ਜਨਵਰੀ ਨੂੰ ਬਿਜਨੌਰ ਤੋਂ ਸ਼ੁਰੂ ਹੋਵੇਗੀ ਜਿਹੜੀ 26 ਜ਼ਿਲਿਆਂ ਦੀਆਂ 1,038 ਗ੍ਰਾਮ ਪੰਚਾਇਤਾਂ ਤੋਂ ਲੰਘੇਗੀ| ਯਾਤਰਾ ਦੌਰਾਨ ਗੰਗਾ ਨੂੰ ਸਾਫ-ਸੁਥਰਾ ਅਤੇ ਪ੍ਰਦੂਸ਼ਣ ਮੁਕਤ ਰੱਖਣ ਲਈ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾਵੇਗਾ|ਜ਼ਿਲਾ ਅਧਿਕਾਰੀ ਅਨੁਸਾਰ ਗੰਗਾ ਨੂੰ ਸਾਫ-ਸੁਥਰਾ ਬਣਾਉਣ ਲਈ 27 ਤੋਂ 31 ਜਨਵਰੀ ਨੂੰ ਤੱਕ 5 ਦਿਨਾਂ ਗੰਗਾ ਯਾਤਰਾ ਕੱਢੀ ਜਾ ਰਹੀ ਹੈ, ਜੋ ਬਿਜਨੌਰ ਅਤੇ ਬਲੀਆ ਤੋਂ ਹੁੰਦੇ ਹੋਏ ਕਾਨਪੁਰ ਪਹੁੰਚੇਗੀ| ਮੁੱਖ ਮੰਤਰੀ ਯੋਗੀ ਦਾ 27 ਜਨਵਰੀ ਨੂੰ ਬਿਜਨੌਰ ਦਾ ਪ੍ਰੋਗਰਾਮ ਪ੍ਰਸਤਾਵਿਤ ਹੈ| ਜ਼ਿਲਾ ਅਧਿਕਾਰੀ ਅਨੁਸਾਰ 26 ਜ਼ਿਲਿਆਂ ਦੀਆਂ 1,038 ਗ੍ਰਾਮ ਪੰਚਾਇਤਾਂ ਅਤੇ 21 ਨਗਰ ਕੌਂਸਲਾਂ ਤੋਂ ਲੰਘਣ ਦੌਰਾਨ ਇਹ ਯਾਤਰਾ 108 ਕਿਲੋਮੀਟਰ ਜਲ ਮਾਰਗ ਅਤੇ 1,162 ਕਿਲੋਮੀਟਰ ਸੜਕੀ ਮਾਰਗ ਤੋਂ ਨਿਕਲੇਗੀ| ਇਸ ਯਾਤਰਾ ਦੌਰਾਨ ਕੁਝ ਸੱਭਿਆਚਾਰਕ ਪ.੍ਰੋਗਰਾਮ ਆਯੋਜਿਤ ਹੋਣਗੇ ਅਤੇ ਨਾਲ ਹੀ ਗੰਗਾ ਨੂੰ ਸਾਫ-ਸੁਥਰਾ ਰੱਖਣ ਲਈ ਲੋਕਾਂ ਵਿਚਾਲੇ ਜਾਗਰੂਕਤਾ ਫੈਲਾਉਣ ਦੀ ਵੀ ਕੋਸ਼ਿਸ਼ ਕੀਤੀ ਜਾਵੇਗੀ|