ਵਿਨੀਤ ਕੁਮਾਰ ਸਿੰਘ ’ਤੇ ਅਧਾਰਤ ਫਿਲਮ ‘ਆਧਾਰ’ 6 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ। ਇਸ ਫਿਲਮ ਦਾ ਅਕਤੂਬਰ ਵਿੱਚ ਬੁਸਾਨ ਇੰਟਰਨੈਸ਼ਨਲ ਫਿਲਮ ਮੇਲੇ (ਬੀਆਈਐਫਐਫ) ਦੇ 24 ਵੇਂ ਐਡੀਸ਼ਨ ਦੌਰਾਨ ਵਿਸ਼ਵ ਪ੍ਰੀਮੀਅਰ ਹੋਵੇਗਾ। ਇਹ ਫਿਲਮ ਦ੍ਰਿਸ਼ਯਮ ਫਿਲਮਜ਼ ਅਤੇ ਜੀਓ ਸਟੂਡੀਓਜ਼ ਨੇ ਤਿਆਰ ਕੀਤੀ ਹੈ।ਨਿਰਮਾਤਾਵਾਂ ਨੇ ਸ਼ਨਿਚਰਵਾਰ ਨੂੰ ਫਿਲਮ ਦਾ ਟੀਜ਼ਰ ਰਿਲੀਜ਼ ਕੀਤਾ ਅਤੇ ਇਸ ਦੀ ਰਿਲੀਜ਼ ਦੀ ਤਰੀਕ ਦਾ ਐਲਾਨ ਕੀਤਾ। ਵਿਨੀਤ, ਜਿਸ ਨੇ ਅਨੁਰਾਗ ਕਸ਼ਿਯਪ ਦੀ ਫਿਲਮ ‘ਮੁੱਕਾਬਾਜ਼’ ਵਿੱਚ ਆਪਣੀ ਅਦਾਕਾਰੀ ਨਾਲ ਆਲੋਚਕਾਂ ਅਤੇ ਦਰਸ਼ਕਾਂ ਦੋਵਾਂ ਨੂੰ ਪ੍ਰਭਾਵਿਤ ਕੀਤਾ ਸੀ, ਨੇ ਟਵਿੱਟਰ ‘’ਤੇ ਫਿਲਮ ਦੀ ਰਿਲੀਜ਼ ਦੀ ਤਰੀਕ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਬੀਆਈਐੱਫਐੱਫ ਵਿਖੇ ‘ਆਧਾਰ’ ਨੂੰ 6 ਅਕਤੂਬਰ ਨੂੰ ਵਿੰਡੋ ਆਨ ਏਸ਼ੀਅਨ ਸਿਨੇਮਾ ਵਿੱਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ‘ਅਧਾਰ’ ਸਕੀਮ ਨੂੰ ਸਿਵਲ ਅਤੇ ਰਾਜਨੀਤਿਕ ਖੇਤਰ ਦੇ ਵੱਖ-ਵੱਖ ਕੋਨਿਆਂ ਤੋਂ ਵੱਖ ਵੱਖ ਤਰ੍ਹਾਂ ਦਾ ਪ੍ਰਤੀਕਰਮ ਮਿਲਿਆ ਹੈ। ਨਿਰਮਾਤਾਵਾਂ ਅਨੁਸਾਰ, ਫਿਲਮ ਇੱਕ ਆਮ ਆਦਮੀ ਦੀ ਕਹਾਣੀ ਦੁਆਰਾ ਇਨ੍ਹਾਂ ਪਰਿਪੇਖਾਂ ਨੂੰ ਵੇਖੇਗੀ ਕਿਉਂਕਿ ਉਹ ਇਸ ਯੋਜਨਾ ਵਿੱਚ ਆਪਣਾ ਨਾਮ ਦਰਜ ਕਰਾਉਣ ਦੀ ਪ੍ਰਕਿਰਿਆ ਦੌਰਾਨ ਅਫਸਰਸ਼ਾਹੀ ਦੇ ਚੁੰਗਲ ਵਿੱਚ ਫਸ ਜਾਂਦਾ ਹੈ।