ਪਰਮਿੰਦਰ-ਭੁਪਿੰਦਰ ਨੂੰ ਜੇਲ੍ਹ ਭੇਜਿਆ
ਕਰਨਾਲ : ਹਰਿਆਣਾ ਦੇ ਕਰਨਾਲ ਜ਼ਿਲ੍ਹੇ ਦੇ ਬਸਤਾਦਾ ਟੋਲ ਤੋਂ ਫੜੇ ਗਏ ਚਾਰ ਖਾਲਿਸਤਾਨੀ ਅੱਤਵਾਦੀਆਂ ਵਿਚੋਂ 2 ਦਾ ਤਿੰਨ ਦਿਨ ਦਾ ਰਿਮਾਂਡ ਅੱਜ ਪੂਰਾ ਹੋ ਗਿਆ ਹੈ। ਦੂਜੇ ਰਿਮਾਂਡ ‘ਚ ਦੋਵਾਂ ਅੱਤਵਾਦੀਆਂ ਨੂੰ ਤੇਲੰਗਾਨਾ ਲਿਜਾਇਆ ਗਿਆ। ਤੇਲੰਗਾਨਾ ਤੋਂ ਪਰਤਣ ਤੋਂ ਬਾਅਦ ਅਮਨਦੀਪ ਅਤੇ ਗੁਰਪ੍ਰੀਤ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਪਰਮਿੰਦਰ ਅਤੇ ਭੁਪਿੰਦਰ ਨੂੰ 15 ਮਈ ਨੂੰ ਹੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਸੀ।
ਐਸਪੀ ਗੰਗਾਰਾਮ ਪੂਨੀਆ ਨੇ ਦੱਸਿਆ ਕਿ ਅੱਜ ਦੋ ਅੱਤਵਾਦੀਆਂ ਦਾ 3 ਦਿਨ ਦਾ ਰਿਮਾਂਡ ਪੂਰਾ ਹੋ ਰਿਹਾ ਹੈ। ਇਸ ਦੌਰਾਨ ਪੁਲਿਸ ਨੇ ਅੱਤਵਾਦੀਆਂ ਤੋਂ ਹਰ ਤਰ੍ਹਾਂ ਨਾਲ ਪੁੱਛਗਿੱਛ ਕੀਤੀ ਹੈ। ਫੜੇ ਜਾਣ ਤੋਂ ਪਹਿਲਾਂ ਚਾਰਾਂ ਨੇ ਦੋ ਥਾਵਾਂ ‘ਤੇ ਵਿਸਫੋਟਕ ਸਮੱਗਰੀ ਪਹੁੰਚਾਈ ਸੀ। ਮੋਬਾਈਲ ‘ਚੋਂ ਪਾਕਿਸਤਾਨ ਅਤੇ ਹੋਰ ਦੇਸ਼ਾਂ ਦੇ ਨੰਬਰ ਅਤੇ ਕੁਝ ਸਬੂਤ ਮਿਲੇ ਹਨ, ਜਿਨ੍ਹਾਂ ਦੇ ਆਧਾਰ ‘ਤੇ ਮਾਮਲੇ ‘ਚ ਅਗਲੇਰੀ ਕਾਰਵਾਈ ਅਮਲ ‘ਚ ਲਿਆਂਦੀ ਜਾ ਰਹੀ ਹੈ।
ਦਰਅਸਲ 5 ਮਈ ਦੀ ਸਵੇਰ ਨੂੰ ਪੁਲਿਸ ਨੇ ਬਸਤਾਰਾ ਟੋਲ ਨੇੜੇ ਨੈਸ਼ਨਲ ਹਾਈਵੇਅ ਤੋਂ 4 ਖਾਲਿਸਤਾਨੀ ਅੱਤਵਾਦੀਆਂ ਨੂੰ ਗ੍ਰਿਫਤਾਰ ਕੀਤਾ ਸੀ। ਚਾਰੇ ਅੱਤਵਾਦੀ ਇੱਕ ਇਨੋਵਾ ਗੱਡੀ ਵਿੱਚ ਹਾਈਵੇਅ ਤੋਂ ਲੰਘ ਰਹੇ ਸਨ। ਚਾਰੇ ਅੱਤਵਾਦੀ ਗੁਰਪ੍ਰੀਤ, ਅਮਨਦੀਪ, ਪਰਵਿੰਦਰ ਅਤੇ ਭੁਪਿੰਦਰ ਪੰਜਾਬ ਦੇ ਰਹਿਣ ਵਾਲੇ ਹਨ।
