ਚੰਡੀਗੜ – ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਲੋਕਤੰਤਰ ਵਿੱਚ ਵਿਰੋਧ ਕਰਣ ਦਾ ਸਾਰਿਆਂ ਨੂੰ ਅਧਿਕਾਰ ਹੈ ਲੇਕਿਨ ਇਸ ਤੋਂ ਸਰਕਾਰੀ ਕਾਰਜ ਪ੍ਰਭਾਵਿਤ ਨਹੀਂ ਹੋਣਾ ਚਾਹੀਦਾ ਹੈ ਜੇਕਰ ਕਰਮਚਾਰੀ ਅਤੇ ਅਧਿਕਾਰੀ ਨੂੰ ਵਿਰੋਧ ਕਰਣਾ ਹੈ ਤਾਂ ਉਹ ਜਪਾਨ ਦੇ ਕਰਮਚਾਰੀਆਂ ਦੀ ਤਰਜ ‘ਤੇ ਜਿਆਦਾ ਕੰਮ ਕਰ ਕੇ ਵਿਰੋਧ ਜਤਾਇਆ ਜਾ ਸਕਦਾ ਹੈ, ਜੋ ਕਿ ਦੇਸ਼ ਹਿਤ ਵਿੱਚ ਸਕਾਰਾਤਮਕ ਹੋਵੇਗਾ|ਮੁੱਖ ਮੰਤਰੀ ਨੇ ਇਹ ਗੱਲ ਅੱਜ ਇੱਥੇ ਗੁਰੂਗ੍ਰਾਮ ਵਿੱਚ ਆਯੋਜਿਤ ਰਾਜ ਪੱਧਰ ਸੁਸ਼ਾਸਨ ਦਿਵਸ ਪ੍ਰੋਗ੍ਰਾਮ ਦੌਰਾਨ ਮੌਜੂਦ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਸੰਬੋਧਿਤ ਕਰਦੇ ਹੋਏ ਕਹੀ| ਉਨਾਂ ਨੇ ਰਾਜ ਦੇ 3.5 ਲੱਖ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਤੁਹਾਡੇ ਕੋਲ ਸਰਕਾਰੀ ਦਫ਼ਤਰ ਵਿੱਚ ਕੰਮ ਲਈ ਆਉਣ ਵਾਲੀ ਆਮ ਜਨਤਾ ਦੇ ਪ੍ਰਤੀ ਅਪਣੇਪਨ ਦੀ ਭਾਵਨਾ ਰੱਖੋ ਅਤੇ ਇਹ ਸੋਚ ਆਪਣਾਓ ਕਿ ‘ਮੈਂ ਜਨਤਾ ਹਾਂ, ਜਨਤਾ ਮੇਰੀ ਹੈ’ ਅਤੇ ਸਾਨੂੰ ਰਾਜ ਦੀ ਲਗਭਗ 2.75 ਕਰੋੜ ਜਨਤਾ ਦੀ ਸੇਵਾ ਕਰਣੀ ਹੈ|ਉਨਾਂ ਨੇ ਰਾਜ ਦੇ ਕਰਮਚਾਰੀਆਂ ਨੂੰ ਭਰੋਸਾ ਦਿੰਦੇ ਹੋਏ ਕਿਹਾ ਕਿ ਉਨਾਂ ਦੇ ਦੁਆਰਾ ਦਿੱਤੇ ਗਏ ਸੁਝਾਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸੁਧਾਰ ਕੀਤੇ ਜਾਣਗੇ ਅਤੇ ਜਿੱਥੇ ਲੋੜ ਹੋਵੇਗੀ, ਉੱਥੇ ਨਿਯਮਾਂ ਨੂੰ ਵੀ ਬਦਲ ਦਿੱਤਾ ਜਾਵੇਗਾ| ਉਨਾਂ ਨੇ ਕਿਹਾ ਕਿ ਜੇਕਰ ਅਸੀ ਆਪਣੇ ਮਨ ਨੂੰ ਬਣਾ ਲਵਾਂਗੇ ਕਿ ਅਸੀਂ ਇਹ ਕੰਮ ਕਰਣਾ ਹੈ ਅਤੇ ਜਨਤਾ ਦੀ ਸੇਵਾ ਕਰਣੀ ਹੈ ਤਾਂ ਆਪਸ ਵਿੱਚ ਸਮਾਨ ਪਰਸਪਰ, ਪ੍ਰੇਮ, ਪਿਆਰ ਅਤੇ ਭਾਈਚਾਰਾ ਦੀ ਭਾਵਨਾ ਬਣਦੀ ਹੈ, ਇਸਲਈ ਸਾਡੀ ਸਰਕਾਰ ਨੇ ਹਰਿਆਣਾ ਇੱਕ-ਹਰਿਆਣਾਵੀ ਇੱਕ ਦਾ ਨਾਰਾ ਦਿੱਤਾ ਹੈ|ਉਨਾਂ ਨੇ ਰਾਜਭਰ ਦੇ ਕਰਮਚਾਰੀਆਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਛੋਟੀ-ਛੋਟੀ ਸਮਸਿਆਵਾਂ ਨੂੰ ਲੈ ਕੇ ਵਿਭਾਗ ਦੇ ਖਿਲਾਫ ਪ੍ਰਦਰਸ਼ਨ ਨਹੀਂ ਕਰਣਾ ਚਾਹੀਦਾ ਹੈ, ਕਿਉਂਕਿ ਕਈ ਵਾਰ ਇਸ ਤੋਂ ਕੰਮ ਵਿੱਚ ਰੂਕਾਵਟ ਪੈਦਾ ਹੁੰਦੀ ਹੈ| ਉਨਾਂ ਨੇ ਕਿਹਾ ਕਿ ਪ੍ਰਦਰਸ਼ਣ ਕਰਣਾ ਕੋਈ ਬੁਰੀ ਗੱਲ ਨਹੀਂ ਹੈ ਲੇਕਿਨ ਕੰਮ ਵਿੱਚ ਰੂਕਾਵਟ ਨਹੀਂ ਹੋਣੀ ਚਾਹੀਦੀ ਹੈ ਕਿਉਂਕਿ ਜਦੋਂ ਕੰਮ ਵਿੱਚ ਰੂਕਾਵਟ ਹੁੰਦੀ ਹੈ ਤਾਂ ਜਨਤਾ ਨੂੰ ਪਰੇਸ਼ਾਨੀ ਚੁਕਣੀ ਪੈਂਦੀ ਹੈ| ਉਨਾਂ ਨੇ ਕਿਹਾ ਕਿ ਸਾਨੂੰ ਅਜਿਹਾ ਕੰਮ ਕਰਣਾ ਚਾਹੀਦਾ ਹੈ ਜੋ ਦੇਸ਼ਹਿਤ ਅਤੇ ਪ੍ਰਦੇਸ਼ਹਿਤ ਵਿਚ ਹੋਵੇ, ਜਿਸ ਦੇ ਨਾਲ ਇੱਕ ਸਾਕਾਰਾਤਮਕ ਮਾਹੌਲ ਤਿਆਰ ਹੋ ਸਕੇ| ਉਨਾਂ ਂਨੇ ਸੀਨੀਅਰ ਅਧਿਕਾਰੀਆਂ ਨੂੰ ਵੀ ਕਿਹਾ ਕਿ ਉਨਾਂ ਨੂੰ ਸੰਵੇਦਨਸ਼ੀਲ ਹੋਣਾ ਚਾਹੀਦਾ ਹੈ ਕਿਉਂਕਿ ਉਨਾਂ ਦੀ ਵੱਡੀ ਜ਼ਿੰਮੇਵਾਰੀ ਹੈ|ਉਨਾਂ ਨੇ ਕਿਹਾ ਕਿ ਪਿਛਲੇ ਨਵੰਬਰ, 2014 ਵਿੱਚ ਵਰਤਮਾਨ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਸੁਸ਼ਾਸਨ ਦਿਵਸ ਨੂੰ ਮਨਾਏ ਜਾਣ ਲਈਐਲਾਨ ਕੀਤਾ ਸੀ ਅਤੇ ਕਿਹਾ ਸੀ ਕਿ 25 ਦਸੰਬਰ ਨੂੰ ਸੁਸ਼ਾਸਨ ਦਿਨ ਵਜੋ ਮਨਾਇਆ ਜਾਵੇਗਾ| ਉਨਾਂ ਨੇ ਕਿਹਾ ਕਿ ਅਜਿਹਾ ਦਿਨ ਵਰਨਣਯੋਗ ਹੈ ਕਿਉਂਕਿ ਅੱਜ ਸਾਬਕਾ ਪ੍ਰਧਾਨ ਮੰਤਰੀ ਸ੍ਰੀ ਅਟਲ ਬਿਹਾਰੀ ਵਾਜਪੇਈ ਜੀ ਅਤੇ ਮਹਾਮਨਾ ਮਦਨ ਮੋਹਨ ਮਾਲਵੀਯ ਜੀ ਦੀ ਜੈਯੰਤੀਆਂ ਹਨ, ਇਸ ਮੌਕੇ ‘ਤੇ ਉਨਾਂ ਨੇ ਮੌਜੂਦ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵਧਾਈ ਅਤੇ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ| ਨਾਲ ਹੀ ਉਨਾਂ ਨੇ ਕਰਿਸਮਸ-ਡੇ ਦੇ ਮੌਕੇ ‘ਤੇ ਵੀ ਵਧਾਈ ਅਤੇ ਸ਼ੁਭਕਾਮਨਾਵਾਂ ਦਿੱਤੀਆਂ| ਉਨਾਂ ਨੇ ਕਿਹਾ ਕਿ ਸ਼ਾਸਨ ਠੀਕ ਹੈ ਤਾਂ ਵਿਵਸਥਾ ਠੀਕ ਹੈ ਅਤੇ ਸ਼ਾਸਨ ਨੂੰ ਹੀ ਸੁਸ਼ਾਸਨ ਬਣਾਉਣਾ ਹਰ ਕਿਸੇ ਕਰਮੀਚਾਰੀ ਅਤੇ ਅਧਿਕਾਰੀ ਦੀ ਜਿੰਮੇਵਾਰੀ ਹੈ ਅਤੇ ਸਾਨੂੰ ਇਸ ਵੱਲ ਅੱਗੇ ਵੱਧਣਾ ਹੈ|